يسرا: جزء من النجاح بالتريندات مزيف.. والحمدلله إني نجحت بمجهودي وتعبي

تحدثت الفنانة يسرا عن تأثير مواقع التواصل الاجتماعي على الوسط الفني، مؤكدة أن بعض مظاهر النجاح المرتبطة بالتريندات لا تعكس النجاح الحقيقي، وأنها تفضل الاعتماد على موهبتها ومجهودها في بناء مسيرتها الفنية.

وقالت يسرا، خلال لقائها مع الإعلامية لميس الحديدي في برنامج «الصورة»، المذاع على شاشة «النهار»: «جزء من النجاح بالتريندات مزيف، والناس عاوزين تريند وخلاص، مش فاهمين يعني إيه سلاح السوشيال ميديا».

وأضافت: «الحمدلله إني نجحت بمجهودي وتعبي، وعمري ما فكرت أعمل تريند أو شهر ودفع فلوس لحد»، مؤكدة أنها صنعت اسمها وتاريخها الفني بالاعتماد على مجهودها، دون اللجوء إلى شراء التفاعل أو الترويج عبر مواقع التواصل الاجتماعي.

وتابعت يسرا: «مدفعتش لحد عشان يكتب عني كويس، ونجحت من غير السوشيال ميديا، وأنا مش عايزة النجاح بتاع السوشيال ميديا، واللي بيشتري النجاح باللجان على السوشيال ميديا عارف إن ده نجاح مزيف».

وكشفت يسرا أن جملة «لسه معملتش حاجة» لا تزال حاضرة في تفكيرها مع كل عمل أو تجربة جديدة تخوضها، موضحة أنها تتعامل مع نفسها وكأنها ما زالت في بداية مشوارها الفني.

وقالت: «دائمًا عبارة لسه معملتش حاجة تقودني حتى الآن في عملي أو أي حاجة جديدة، وكأني لسه جديدة، وبفضل أسأل نفسي: يا ترى هل اختياري صح؟ ولحد دلوقتي بخاف».

وأوضحت أن خوفها لا يرتبط بتحقيق النجاح أو الفشل، أو بالمقابل المادي للعمل، وإنما ينصب بشكل أساسي على مدى صحة اختياراتها وتأثيرها على مسيرتها الفنية.

وأضافت: «مش دي حساباتي، بخاف إني دائمًا أختار صح ليا، مش عشان حاجة تانية، لنفسي، للكارير. دائمًا ما أحبش أغلط في الاختيارات، ما يصحش أغلط في الاختيار».