أيمن يونس يفتح النار على لاعبي الزمالك: اللاعب بقى بيشتغل بعقلية الصنايعية

وجّه أيمن يونس، نجم الزمالك السابق، انتقادات نارية للاعبي الفريق الأول لكرة القدم بنادي الزمالك، بسبب الأداء المتراجع الذي قدموه هذا الموسم، معتبرًا أن الفريق فقد شخصيته المعروفة داخل الملعب.

مشغولين بالمفاوضات أكتر من اللعب نفسه 

وقال نجم الزمالك السابق، خلال تصريحات تلفزيونية:"الزمالك مالوش شخصية في المباريات الأخيرة، الأداء ضعيف جدًا الفلوس سيطرت على عقول اللاعبين، وبقوا مشغولين بالمفاوضات أكتر من اللعب نفسه اللاعب بقى بيشتغل بعقلية الصنايعية، لو معاه فلوس يلعب، ولو مش معاه يتخانق عايز فلوس!"

وأضاف نجم الزمالك السابق، "فيه حالة عدم تركيز واضحة، وده مش بس في الزمالك، لكن في عدد كبير من لاعبي الدوري المصري. بس الوضع في الزمالك أوضح وأخطر، وده كمان ظهر – بشكل أقل – في الأهلي مؤخرًا."

وتابع نجم الزمالك الأسبق:"الأهلي قادر يظبط نفسه لأنه يمتلك موارد وصفقات قوية، أما الزمالك فالمستوى بقى أقل بكتير، وبصراحة النادي محتاج أكتر من 11 صفقة في الميركاتو الصيفي علشان يرجع ينافس بقوة."