رسائل نارية من كريم حسن شحاتة لـ عصام عبد الفتاح بشأن واقعة معروف ووائل جمعة

وجه الإعلامي كريم حسن شحاتة، رسالة خاصة إلى عصام عبد الفتاح، رئيس لجنة الحكام بالاتحاد المصري لكرة القدم، وذلك بعد تصريحاته الأخيرة بشأن حديث محمد معروف حكم مباراة الأهلي وزد مع وائل جمعة، مدير الكرة بالقلعة الحمراء.


وكان كريم حسن شحاتة قد كشف، خلال تصريحات تلفزيونية، عن معلومات تفيد بوجود حديث بين وائل جمعة ومحمد معروف، خلال مباراة الأهلي وزد، زاعمًا أن الحكم قال لمدير الكرة: «خرجوا علي محمود، عشان مش هعرف أحميه تاني»، وذلك على خلفية حصول اللاعب على بطاقة صفراء وبعدها تدخل بقوة على أحد لاعبي زد.


ومن جانبه، قالكريم حسن شحاتة، في تصريحات تلفزيوينة عبر فضائية "الحياة" بعد قرار لجنة الحكام بالتحقيق في الواقعة: "كابتن عصام عبدالفتاح، قال إنه هيسمع تسجيل الفار في المباراة، عشان يقول الكلام إللي أنا قولته حصل ولا محصلش، أنا أتمنى أنه فعلاً يتسمع الفار، بس يتسمع صح وميتشالش منه حاجة".


وأضاف: "أنا مش عايز أتظلم، أنا عايز حق ربنا، لو في حاجة قولتها مش مظبوطة اتحاسب عادي، بس أنا عايز الحقيقة مش عايز أتظلم أنا الحلقة الأضعف بين لجنة الحكام واتحاد الكرة".

وتابع: "فيديوهات بتبين صحة كلكمي، وائل جمعة بعد ما اتكلم مع الحكم، وبعدها راح لحسين عموتة وغير علي محمود".


وأتم: "أتمنى الكلام اللي اتقال يتسمع كله كامل بدون ما اي جزء يتشال لأني عارف أنا قلت إيه، وعارف المعلومة جتلي إزاي، وإمتى، ومن مين وفي فيديوهات بتوضح صحة كلام]".