"سيبك من أبوك".. رضا عبد العال يفتح النار على شوبير

فتح رضا عبد العال، نجم الكرة المصرية السابق، النار على مصطفى شوبير، حارس مرمى الفريق الأول لكرة القدم بالنادي الأهلي، بسبب أدائه في مباراة الشرقية إنبي.

كان الأهلي فاز على الشرقية انبي، بثلاثة أهداف مقابل هدفين، في المباراة التي أقيمت بينهما مساء الأحد، في الجولة الأولى للدوري.

وقال رضا عبد العال، في فيديو نشره عبر منصة "يوتيوب": "الهدف الثاني لفريق الشرقية إنبي غلطة شوبير، أنت طالع من جونك ليه! احنا بنشيد بيك في كأس العالم، ومن بعدها بنسمع عن عروض وخصومات، فين يابني مستواك".

وأضاف: "مستواك ده يقعدك ويلعب الشناوي، فوق عشان لو هربت منك مش هتشوفها تاني، لأن الشناوي، مركز أوي، أول مرة أشوف الشناوي مركز بالشكل ده".


وأتم: "متسمعش كلام أبوك وتسمع للعروض وتبقى مشتت، الهدف الأول اللي دخل مرماك كان بسبب غياب تركيزك، انت تتحمل الهدفين".