مدحت العدل: لو قالوا عايزين حق أداء علني لـ الكومبارس أنا أول واحد هدفع

تحدث الدكتور مدحت العدل عن حق الأداء العلني، موضحًا أنه سيكون من أوائل الداعمين لحصول الكومبارس على مستحقاتهم، نظرًا لاحتياجهم الشديد للمال، مشيرًا إلى أن المنتجين يتحملون تكاليف كبيرة في الأعمال الفنية، بسبب متطلبات الإنتاج وأجور الفنانين.

تصريحات مدحت العدل 
 

وقال مدحت العدل، في لقائه بـ برنامج بتوقيت مصر: لو قالوا عايزين حق أداء علني لـ الكومبارس أنا أول واحد هدفع، لأن هما غلابة محتاجين فلوس، وحق الأداء العلني مش للنجم فقط ده لكل اللي قال مساء الخير وهو معدي.

مدحت العدل عن حق الأداء العلني 

وأضاف مدحت العدل: أنا موافق أدفع أداء علني، بس أنت يا نجم لو بتاخد 10 قروش، تقدر تاخد 8 والـ 2 التانيين تاخدهم من حق الأداء العلني، ولا أنت عايز تاخد أجرك وتجيب 10 معاك يخدموا عليك، وكرافان يكلف 130 ألف جنيه في اليوم، المنتج بيطلع خسران.

تصريحات سابقة لـ مدحت العدل 

وفي نفس السياق، تحدث السيناريست مدحت العدل، في تصريحات سابقة، عن تأثير تطبيق حق الأداء العلني على صناعة السينما، موضحًا أن تحمّل المنتجين لتكاليف إضافية قد ينعكس على أجور الفنانين وطريقة اختيار أبطال الأعمال.

وقال مدحت العدل، خلال تصريحات تليفزيونية، إن المنتج قد يضطر إلى خفض المبلغ الذي يدفعه مقابل الحصول على العمل، إذا كان مطالبًا في الوقت نفسه بسداد مبالغ تتعلق بحق الأداء العلني.

وأوضح: «لو كنت ببيع للمنصة بـ10 قروش، هبيع بـ8 لأنهم هيدفعوا فلوس حق أداء علني، بالتالي الأفلام هتتأثر؛ لأنهم هيختاروا نجوم العمل على أساس اللي بيحققوا أعلى نسبة مشاهدة».

وأضاف مدحت العدل متحدثًا عن أجور الفنانين: «طيب لو الفنان، مثلًا، اللي مش هقول بياخد كام، رافض يقلل من الفلوس اللي هياخدها من المنتج لأنه هياخد الفرق ويمكن أكثر من حق الأداء العلني».

وتابع: «يعني أنا لو اتطلب مني إني أدفع لكومبارس هدفع لأنه غلبان»، مشيرًا إلى ضرورة مراعاة طبيعة الأجور والتكاليف المختلفة داخل صناعة السينما عند مناقشة آليات تطبيق حق الأداء العلني.