«محمود عفيفي» طبيب شيرين عبدالوهاب: كانت تفكر في السفر لإنقاص وزنها.. ولديها إرادة لتغيير شكلها

تحدث الدكتور محمود عفيفي، أخصائي السمنة والنحافة، عن رحلة الفنانة شيرين عبد الوهاب في إنقاص وزنها، موضحا أنها كانت تفكر في السفر إلى الخارج من أجل خسارة الوزن، كما رفضت الخضوع لجراحة للتخسيس.

تصريحات محمود عفيفي 

وقال محمود عفيفي طبيب شيرين عبد الوهاب في تصريحات تليفزيونية: هي كانت بتفكر تسافر بره علشان تعمل دايت وتخس وكانت حابة تبقى طبيعية مش جراحة، وقابلتها وكان عندها إصرار قوي جدًا أنها تخس، وأنا قابلتها 4 مرات وكل مرة كانت في فرق كبير وده اللي خلاها اتشجعت وكملت.

وأضاف محمود عفيفي طبيب شيرين عبد الوهاب: حددنا 100 يوم عشان تخس وبتاكل طبيعي وخفيف، وهي بتعمل رياضة المشي، وهي حابة ترجع للشكل بتاعها المتناسق، هي فنانة ميجا ستار وحابة ترجع للشكل الميجا ستار اللي كانت عليه، والنتيجة مرضية جدًا، وعندها إرادة تغير من شكلها ومن نفسها.

منشور دكتور التغذية محمود عفيفي

وفي نفس السياق، نشر طبيب التغذية محمود عفيفي صورة تجمعه بالفنانة شيرين عبد الوهاب عبر صفحته على "انستجرام" وكتب: "أنا فخور بيكي أوي و فخور إني دكتورك و وصلنا للنتيجة دي بعض، ولسة مكملين.. أقوى عودة من أهم نجاحات حياتي لأجمل صوت في مصر".