مي فاروق تطرح أغنية «حبايبنا».. تعاون جديد يجمعها بالملحن مدين

أطلقت الفنانة مي فاروق أحدث أغانيها بعنوان حبايبنا عبر قناتها الرسمية على يوتيوب، إلى جانب جميع المنصات الموسيقية الرقمية ومحطات الإذاعة، لتسجل بها عودة جديدة إلى جمهورها خلال موسم صيف 2026.

تفاصيل أغنية حبايبنا 

ويحمل العمل توقيع الشاعر عليم، فيما وضع ألحانه وتولى توزيعه الموسيقي مدين، بينما نفذ الميكس والماستر أكرم عادل، وشارك أحمد حسين بعزف الجيتار، وقدم محمود شاهي الصولوهات، فيما تولى مايكل ماهر مهام التسويق، وتطرح الأغنية من خلال شركة Digital Sound.

مي فاروق وأغنية حبايبنا 

وتقدم مي فاروق في حبايبنا أغنية رومانسية بإيقاع هادئ، تتناول مشاعر الاشتياق للأحبة، والحنين إلى اللقاء بعد الغياب، مع التأكيد على قيمة العلاقات الإنسانية التي تتجاوز العيوب والخلافات، في كلمات تحمل طابعًا عاطفيًا بسيطًا وقريبًا من الجمهور. 

كلمات أغنية حبايبنا:

حبايبنا
اللي الشوق ليهم  يغلبنا
اللي غيابهم ثانيه يوتر
واللي فراقهم يوم يتعبنا
حبايبنا
اللي مكالمتهم بتجيبنا
اللي قبلناهم بيعيوبهم
وخذونا احنا كمان علي عيبنا
حبايبنا وانهي حبايب
ليهم من حبنا نايب
الفرح اهو قرب أكتر
والحب أهو جاي وجايب
حبايبنا
وانهي حبايب
ليهم من حبنا نايب
اللي لا بيفارقوا قلوبنا
ولا م البال شوقهم غايب
حبايبنا
اللي بيعجبهم يعجبنا
واللي بيوجعهم يوجعنا
واللي حاببهم يبقي حاببنا
حبايبنا
دول كلنا معاهم وشربنا
العشره الغاليه علي قلوبنا
قسمتنا الحلوه ونصيبنا
حبايبنا
وانهي حبايب
ليهم من حبنا نايب
الفرح اهو قرب أكتر
والحب اهو جاي وجايب
حبايبنا
وانهي حبايب ليهم من حبنا نايب
اللي لا بيفارقوا قلوبنا
ولا م البال شوقهم غايب