شريف إكرامي يعلن اعتزاله.. ويوجه رسالة لـ الأهلي

أعلن شريف إكرامي حارس مرمى فريق بيراميدز، اعتزاله كرة القدم بشكل نهائي، بعد مسيرة امتدت لأكثر من 30 عامًا في الملاعب.

وكتب إكرامي في تدوينه عبر حسابه الرسمي على منصة «إكس»: «بعد أكتر من 30 سنة جه الوقت اللي أودع فيه الملعب و أعلق الجوانتي».

وأضاف: «جه وقت إني أخد قرار يمكن كل لاعب بيبقى عارف إنه هييجي في يوم من الأيام لكنه عمره ما بيبقى سهل،لأنك مش بتسيب شغلانة أنت بتسيب حياة كاملة».

وتابع: «شكراً لكل نادي لعبت فيه.. فينورد و الجونه كل واحد فيكم ضاف لي كتير كانسان مش بس كلاعيب.. شكراً بيراميدز اللي ختمت فيه و كنت محظوظ أكون جزء من جيل حفر تاريخ لنفسه و للنادي».

وأكمل: «لكن هيفضل للنادي الأهلي مكانة مختلفة في قلبي.. الأهلي مش مجرد نادي لعبت فيه.. ده المكان اللي اتولدت فيه.. كبرت واتعلمت و نضجت فيه.. و منه الناس عرفتني وحققت فيه كل اللي كنت بحلم بيه كلاعب.. الأهلي غير أي حد».