بعد الجدل الأخير.. أحمد أمين: حماية حقوق المبدعين لا تتعارض مع الاستثمار

علق الفنان أحمد أمين على الجدل الدائر بشأن حق الأداء العلني، معلنا دعمه لتفعيل القانون، ومؤكدا أن الهدف منه هو حفظ حقوق صناع الأعمال الفنية، دون أن يكون على حساب المنتجين أو المستثمرين.

منشور أحمد آمين

كتب الفنان أحمد آمين عبر حسابه الشخصي بموقع فيسبوك، قائلاً: على كلام كتير بيدور عن حق الأداء العلني اليومين دول ومصدعينكم تنا عارف.. ناس كتير هتقول واحنا مالنا فحبيت احكيلكم الموضوع ببساطة.

وأضاف أحمد أمين، أي أغنية قديمة بتسمعها أو فيلم أو عمل فني بيتعرض بيبقى فيه صناع كتير علاقتهم بالعمل ده عمرها ما بتخلص.. هما ابتكروه من سنين وده شغلهم وفكرهم، السؤال بقى.. هل ينفع ان العمل يعيش ويفضل يأثر على سمعة الفنان ويفضل يسعد ناس أكتر منغير ما يكون للصانع ده حق في انه ياخد ولو عائد بسيط من اللي بيرجع من إعادة عرض الأعمال دي. 

وتابع: ده اسمه في الفن حق الاداء العلني.. وده قانون قديم بالمناسبة من ٢٠٠٢ ومطبق في أغلب دول العالم.. وفكرته مفعلة جدا على اليوتيوب مثلا.. وبيفضل صانع المحتوى يكسب عائد من من كل مشاهداته طول ما فيه ناس بتتفرج.. وكمان بيحمي اللي عامل الفيديو ده وما بيسمحش حد ياخد شغله وينزله في مكان تاني.

ختام منشور أحمد أمين 

واختتم أحمد أمين حديثه قائلاً: فيه فنانين والقصص كتير انتهت حياتهم بظروف صعبة جدا في حين انه عنده رصيد ضخم جدا من الأعمال بتتعرض لغاية النهارده.. أنا مع تفعيل قانون حق الأداء العلني.. وعمر ما حماية حقوق المبدعين ما هتكون ضد الاستثمار أو المنتجين و أصحاب الأعمال بالعكس احنا كلنا في مركب واحدة.. كلنا نفسنا في صناعة أقوى قادرة تكمل وتسعد جمهور كبير كل يوم.