أرملة إسماعيل الليثي: صاحب عمره بيطالبني بمليون و350 ألف حق العربية اللي عمل بيها حادثة

كشفت شيماء سعيد، أرملة إسماعيل الليثي، تفاصيل مطالبة صديقه لها بسداد مليون و350 ألف جنيه، قيمة السيارة التي تعرض بها الليثي للحادث المروع التي توفي متأثرًا بإصاباته به.

فيديو أرملة إسماعيل الليثي

وقالت أرمة إسماعيل الليثي، في لايف عبر تيك توك: صاحب عمره بيطالبني بـ مليون 350 ألف جنيه حق العربية اللي إسماعيل عمل بيها حادثة هو أنا خدت حاجة منكم؟، هو أنا مديت إيدي في جنيه يوحد ربنا أو شفت منكم جنيه؟، أنا مخدتش من حد حاجة، ولا خدت لبسه حتى، والعربية أهله حاطين إيديهم عليها.

وأضافت أرملة إسماعيل الليثي: لما إسماعيل توفي كان قاعد في شقة بقاله 6 شهور الشقة دي كان فيها خيره كله فلوسه ولبسه ودهبه، وكتاب الله ولا أعرف هو قاعد فين ولا عنوان الشقة ولا دخلت بعد ما مات مقدرتش أدخل مكان هو كان قاعد فيه قلبي مجبنيش، أنتوا اللي دخلتوا ولميتوا حاجته وفرقتوها على بعض، ودهبه اتقال أنها لبسته عشان ابنها، والعربية حاطين إيديكم عليها.

ختام تصريحات أرملة إسماعيل الليثي

وأوضحت أرملة إسماعيل الليثي، أنها سألت صديق الراحل إذا ما كان له أموالًا عند الليثي قبل رحيله ونفى، قائلة: طلع ناس بتقول إن ليهم فلوس، وقبل ما إسماعيل يموت سألت صاحب عمره قولتله أنت ليك فلوس عنده؟، قالي الحمد لله أنا ماليش حاجة عنده، وبعد وفاته بكام يوم جه قالي أنا ليا فلوس عنده، قولولته لأ أنت قولت لأ ملكش فلوس عنده، فقالي خلاص اعتبريني ماليش فلوس، قولتله لأ دي شهادة هتدخل بيها القبر فقالي خلاص يا أم رضا أنا ماليش عنده حاجة.