إبراهيم حسن: نعد الرئيس السيسى أننا سنقاتل حتى آخر لحظة

أعرب إبراهيم حسن، مدير منتخب مصر الأول لكرة القدم، عن سعادته البالغة بتأهل المنتخب لدور ثمن نهائي كأس العالم 2026.

وقال إبراهيم حسن، فى مداخلة هاتفية في برنامج «على مسئوليتي» المذاع على قناة «صدى البلد»،: "شرف لينا أنا وحسام واللاعبين نرفع علم مصر، ونكتب سطر فى تاريخ مصر، إحنا فى مهمة وطنية، إحنا بنقاتل فى الرياضة، إحنا بنحاول نجمل صورة مصر فى الرياضة فى العالم، وبنحاول نعمل حاجة فى المباراة الجاية لأنها حاجة تاريخية».

وأضاف: «أنا شوفت كل الدول العربية والخليجية، وشوفت حاجات على الفيسبوك، الناس بتتنطط مع كل هدف لينا، دى هى الوحدة العربية، تحية من خلال حضرتك للشعب الفلسطينى، مع كل الظروف اللى بيمروا بيها قاعدين وبيشاهدوا مباراة مصر، كل التحية ليهم مرة تانية».

وأكمل: «لما وصلنا لركلات الترجيح فى مباراة أستراليا ربنا كرمنا، بس عاوز أقولك إحنا فى كل معسكر وتدريب مع اللاعبين، فى نهاية كل تمرين اللاعبين بيسددوا ركلات ترجيح، سواء مباريات إقصائية أو عادية».

وأردف: «مفيش غير فتوح ومحمد عبد المنعم صعب لحاقهم بالمباراة الجاية أمام الأرجنتين، وهنسافر إلى أتالانتا، ونعمل استشفاء للاعبين».

وعن محمد صلاح، قال إبراهيم حسن: «صلاح بييجى نسخة تانية خالص مع معسكر منتخب مصر، صلاح بيلاقى نفسه مع حسام حسن، صلاح ما شاء الله مع حسام حسن بيأدى فى أكتر من مركز، إحنا كنا بنشوفه مع مدربين سابقين إزاى؟، الكلام ده محصلش مع حسام».