فيلم يحترم عقل المشاهد.. أمير المصري يروج لـ«القصص»

روج الفنان أمير المصري لأحدث أعماله السينمائية "القصص"، حيث نشر مجموعة من الصور الحصرية من كواليس الفيلم عبر حسابه الرسمي على إنستجرام، بعد طرحه في دور العرض السينمائي. 

أمير المصري يروج لفيلم القصص

وعلق أمير المصري قائلًا: “أنا حابب أشكر من قلبي كل الناس اللي دخلت فيلم “القصص” لحد دلوقتي وكتبت عنه وشاركتنا رأيها، بجد متشرف جدًا وممتن لكل الحب والكلام الجميل اللي الفيلم أخده لحد دلوقتي، كنت مؤمن إننا عاملين حاجة مختلفة ومميزة، لكن كمية الدعم والتقدير اللي وصلتنا من الجمهور في مصر وفي العالم العربي كل حاجة أسعدتني جدًا وليها مكانة خاصة عندي، “القصص” لسه شغال في السينمات ويا رب اللي لسه ما شافوش يروح يتفرج عليه".
 

وتابع:  "ولو عايزين نشوف أفلام أكتر من النوع ده، أفلام بتحترم عقل الجمهور وبتقدم حاجة مختلفة، فلازم ندعمها ونشوفها في السينما. النوع ده من الأفلام ما بيعش غير بحضوركم ودعمكم، وإن الناس تنزل مخصوص علشان تتفرج عليه على الشاشة الكبيرة، شكرًا من قلبي، وإن شاء الله الفيلم يفضل يوصّل لناس أكتر وأكتر”.
 

أحداث فيلم القصص 

وتدور أحداث فيلم القصص في إطار درامي يمتد من عام 1967 وحتى أواخر ثمانينيات القرن الماضي، حيث يرصد رحلة «أحمد»، عازف البيانو الطموح، وسعيه لتحقيق أحلامه الفنية وسط تحديات الحياة وتقلبات العلاقات الأسرية والعاطفية، على خلفية مرحلة شهدت العديد من التحولات السياسية والاجتماعية والثقافية.
 

أبطال فيلم القصص 

ويشارك في بطولة فيلم القصص كل من نيللي كريم وأمير المصري، إلى جانب فاليري باشنر، وكريم قاسم، وأحمد كمال، وصبري فواز، وخالد مختار، وأحمد الأعزر، وشريف الدسوقي، وعمرو عابد، فيما يتولى أبو بكر شوقي تأليف وإخراج العمل.

احتفال أبطال فيلم القصص

وكان فريق الفيلم قد احتفل مؤخرًا بالعرض الخاص بحضور أبطاله وعدد من نجوم الفن والإعلام، استعدادًا لانطلاق عرضه الجماهيري واستقباله من قبل الجمهور في دور السينما.