«شغلونا قبل ما نموت».. عايدة غنيم تخرج عن صمتها برسالة صادمة

خرجت الفنانة عايدة غنيم عن صمتها ووجهت رسالة صادمة عبر حسابها على موقع التواصل الاجتماعي فيسبوك، تطالب من خلالها بالعودة الى عمل قبل وفاتها كحال سهام جلال.

عايدة غنيم توجه رسالة صادمة 

وكتبت عايدة غنيم عبر حسابها الخاص بموقع فيسبوك: "معقول الفنان مايكونش له وجود وهو عايش ويبقى له وجود بعد موته؟  لازم نموت أو نشحت الشغل علشان تحسوا بينا وتشغلونا؟ يا ريت تشغلونا قبل ما نموت".

عايدة غنيم تنعي سهام جلال

وحرصت عايدة غنيم على وداع سهام جلال بكلمات مؤثرة، خاصة أنه كانت تجمعهم صداقة وطيدة، كما عانوا من تجاهل الوسط الفني سوياً.  

وقالت عايدة غنيم موضحة: "سهام ماتت وسابتهالكم، يارب ترتاحوا أو ارتاحوا بشع وطمع وتقطيع في بعض، أقسم بالله لغاية لما روحت المستشفى أنا مكنتش مصدقة، كان نفسي تطلع إشاعة، فجأة مشوفتش قدامي غير الناس اللي بتقطع في بعض وبتاكل في بعض وبتتكلم في ضهر بعض، كل ده عشان الفلوس وعلشان حاجات مالهاش أي لازمة".

واستكملت: "نسينا إن الدنيا دي مالهاش أمان، وأن البني آدم ممكن في لحظة ينام وميصحاش تاني، أنا مش قادرة أستوعب، بس بقولكم اطمنوا لكل واحدة اتكلمت في ضهرها، وعايزة أقولكم حاجة هي لآخر لحظة كنتوا أنتوا أخصامها عند الله، وقايلالي بالاسم، أنا بس قولت أقولكم يارب ضميركم يكون مستريح، وتقدروا تناموا على المخدة كده وأنتوا كنتوا ظلمينها أو افتريتوا عليها للأسف أنا مش قادرة أقول أساميكم لأنكم أنتوا صحابي".

 واستكملت عايدة غنيم حديثها قائلة: "بس أنا سهام بالنسبالي كانت أنضف بني آدمة، اتظلمت كتير من أقرب الناس ليها ومن ناس كانوا عاملين أنهم أصحابها، كانت أقرب حد ليا، كانت البني أدمة الوحيدة اللي كنت بتصل أفضفض معاها في حاجات كتير أوي، أنا كان نفسي أشوفها بجد قبل ما تموت".

واختتمت: "ياريت تدعولها وتقرولها الفاتحة ربنا يتجاوز عن سيئاتها ويديها على قد نيتها، ويعوضها في الآخرة عن اللي هي شافته في الدنيا، أنا عمري ما توقعت ولا تخيلت أني ممكن أطلع بالمنظر ده واتكلم في حاجة زي كده، أنا من قهرتي وحرقة قلبي بجد مش قادرة نفسي أقولكم واحد واحد وواحدة واحدة، بجد الله يسامحكم على كل حاجة أنتوا عملتوها فيها، بس هي مش مسامحاكم، هي راحت للأحسن مني ومنكم اللي هيجيبلها حقها، وأنتوا ربنا يعينكم على نفسكم بجد".