شوبير يفجر مفاجأة بشأن تجديد إمام عاشور مع الأهلي

أكد الإعلامي أحمد شوبير، أن إمام عاشور لاعب النادي الأهلي، على أتم الاستعداد لتجديد عقده مع القلعة الحمراء، مشيرا أنه لا أساس من الصحة لكل الشائعات التي تنتشر عنه خلال الفترة الأخيرة، خاصة طلبه الحصول على نفس ما يتقاضاه زميلاه في الفريق أحمد سيد زيزو ومحمود حسن تريزيجيه.

وقال أحمد شوبير في برنامجه عبر راديو «أون سبورت إف إم»: «أنا مش فاهم إيه الحملة اللي فجأة كده اتعملت على إمام عاشور، فجأة حملة وبيتشرط وبيعمل، الحملة دي مش عجباني، شايفها حملة مش بريئة، ومعرفتش إيه سبب وقتها وقصتها وبيتعمل معاك كده ليه».

وأضاف: «أنا قولتلك وبأكدلك تاني، إن إمام عاشور على أتم الاستعداد للتجديد مع الأهلي، ومش بالأرقام اللي بتذكر خالص، في أكتر من كده؟ معنديش حاجة أكتر من كده أقولها».

وتابع: «أنا مش تخصص دفاع عن اللاعيبة والنادي، أنا تخصص خبر صحيح، واللي هو إن إمام عاشور لا اشترط ولا اتشرط، ومعندوش مشاكل، ولا أساس من الصحة للكلام اللي بيتقال إن إمام عاشور معذب الأهلي وبيفرض شروطه».

واختتم: «ستوري إمام عاشور إمبارح كانت رسالة ورد على شائعات كتير انتشرت الفترة اللي فاتت، إمام عاشور لا طلب ياخد زي زيزو وتريزيجيه ولا طلب مبالغ فلكية، إمام عاشور لسه عنده سنتين في عقده مع الأهلي، وعنده استعداد يجدد».