ترامب دخل الصين من غير موبايله.. ياترى ليه؟

تخيلوا إن ترامب طول زيارته للصين ما لمسش موبايله الشخصي خالص!

تقارير أميركية قالت إن الرئيس الأميركي خد تعليمات صارمة هو وكل الوفد اللي معاه بعدم استخدام أي هواتف شخصية، بسبب مخاوف من الاختراق والتجسس.

طيب إزاي كان بينزل بوستات وتغريدات؟ 
الإجابة إن كل اللي كان بيتنشر على حساباته كان غالبًا بيتدار من واشنطن، مش منه شخصيًا.

مش بس كده .. الأجهزة الشخصية بتاعة المسؤولين الأميركيين اتحطت جوه أقفاص خاصة اسمها "فاراداي"، ودي بتحمي الأجهزة من أي إشارات أو اختراق إلكتروني

أما الموبايلات والإيميلات اللي استخدمها الوفد خلال الرحلة، فكانت مؤقتة وبتتغير بالكامل بعد الزيارة.

واضح إن زيارة الصين بالنسبة لترامب كانت من غير سوشيال ميديا بإيده لأول مرة تقريبًا.