طلب عاجل من الأهلي بعد أحداث مباراة سيراميكا

أبدى سيد عبدالحفيظ، عضو مجلس إدارة النادي الأهلي، غضبه الشديد بسبب تغاضي محمود وفا، حكم مباراة الأهلي وسيراميكا كليوباترا، عن احتساب ركلة جزاء للفريق الأحمر.

وتعادل الأهلي 1-1 أمام سيراميكا كليوباترا في الجولة الأولى من مرحلة التتويج في الدوري. ووصل رصيد الأهلي لـ 41 نقطة في المركز الثالث، وسيراميكا بالمركز الرابع برصيد 39 نقطة.

وقال سيد عبدالحفيظ خلال تصريحات إعلامية عبر شاشة إم بي سي مصر 2: «لازم يبقى في تحقيق داخل اتحاد الكرة! إزاي حكم يزق لاعيبة، وأنا عمري ما شوفت حكم بيعتدي على لاعيبة».

وتابع: «كنت متأكد إنه (وفا) لن يحتسب ركلة الجزاء وأنا مش عارف الفار قال إيه ومحتاجين نعرف الحوار إيه اللي دار بينهم (حكم الساحة والفار)».

وأكمل: «هنطلب من اتحاد الكرة نعرف الحوار اللي حصل بين الحكم والفار، وأيضا التجاوز اللي حصل في حق لاعبين، وايه المبرر اللي تم الاستناد عليه لتعيين الحكم».

وواصل: «وفا متخيل إنه بيحمي نفسه بالكروت اللي معاه، ومن بكرة لازم يبقى في وقفة ووقفة كبيرة جدا والفار تدخل في ركلة ركنية ودي أول مرة اشوفها في حياتي».