تامر حسني يدعم اقتراح كريم السبكي الخاص بدور العرض السينمائية بعد قرار الإغلاق المبكر

ثمن الفنان تامر حسني، اقتراح المخرج والمنتج كريم السبكي لدعم دور العرض السينمائية، وذلك بعد قرار الإغلاق المبكر الذي بدأ تطبيقه اليوم في تمام الساعة التاسعة مساءً.

وقال تامر حسني في منشور له عبر حسابه بموقع التواصل الاجتماعى «فيس بوك »:« اقتراحي إذا أمكن فا يتطبق على كل الجهات، كلام البوست اللي كتبه زميلي المنتج كريم السبكي ده من وجهة نظري اقتراح صحيح للسينمات أعتقد وزارتنا المبجلة ممكن تدرسه وأكيد هيعملوا الصح لأن برضو الصح عمره ما هيكون من وجهة نظرنا إحنا بس أكيد فى حاجات تانية ممكن منكنش على دراية بيها وهى لمصلحة البلد».

وأضاف: « ولكن لو الاقتراح ده اتنسق مع أهداف الدولة أتمنى تحقيقه واقتراحي الشخصى إن القرار ممكن يتطبق على أماكن كتير مش بس السينمات أو أماكن تختار يقفلوا الصبح وأماكن تختار يقفلوا بالليل وكل ده بالتنسيق مع الجهات اللى شايفة شغلها وأكل عيشها أكتر بالنهار ولا بالليل وبكده كله هيتراضى، وبرضو ده من وجهة نظرنا المحدودة، وأى قرار أكبر مننا بتاخده الدولة لازم نحترمه ونتأكد مليون فى المية إنه لمصلحتنا حتى لو استحملنا شوية كل الشكر والتقدير والاحترام لوزاراتنا المصرية العظيمة».

وأردف، "مقترح لإنقاذ دور العرض السينمائى، فى ظل قرار الغلق المبكر، ونظرا لضعف الإقبال على حفلات الصباح والظهيرة وارتفاع التكاليف التشيعل نقترح إلغاء حفلات 10 صباحا، 1 ظهرا، 3 عصرا، والاكتفاء بثلاث حفلات يوميا 6 مساء، 9 مساء، 1 بعد منتصف الليل.