نجيب ساويرس: بركب التاكسي وكلنا في البيت تربينا على القناعة وشكر ربنا

قال المهندس نجيب ساويرس رجل الأعمال، إنّه لا يعدّ المال مقياس النجاح، وذلك تعليقًا على وجوده ضِمن قائمة فوربس لأثرياء العالم.

وأضاف، في حواره مع الإعلامية لميس الحديدي، مقدمة برنامج "رحلة المليار"، عبر قناة "النهار": "أنا وسميح وكلنا في البيت تربينا على القناعة وشكر ربنا في أي حاجة، محدش فينا سفيه عنده جراج فيه 12 عربية أو 300 واحد بيمشوا جنبه اللي يشيل الشنطة له واللي يفتح الباب له، ده كلام فارغ".

وتابع: "بركب التاكسي لو السواق مش موجود أو بيصلي أو أنا مستعجل، وده بيخليني متصل بالواقع، ولما بركب بشوف رأي السواق السياسي في حالة البلد وعارف يعيش بفلوس التاكسي ولا لأ".

وأوضح أن آخر مرة ركب فيها استقلّ فيها التاكسي كانت منذ عام: "اتكلمت معاه واديته مبلغ كبير، في الأول رفض، لكن أنا قلت له أنا فلوسي بتجيب حظ ومترفضهاش، خليهم معاك ومتصرفهمش وخليهم للزنقة عشان يجيبوا لك حظ".