«تيجانا» ينهي أزمة محمد عواد في الزمالك

كشف إسماعيل يوسف، نجم نادي الزمالك السابق، عن تدخله لحل أزمة محمد عواد، حارس مرمى الفريق الأول لكرة القدم بالقلعة البيضاء مع جون إدوارد، المدير الرياضي للنادي.

جون إدوارد، كان قرر تحويل عواد، للتحقيق وخضوعه لتدريبات منفردة بعدما رفض الجلوس على دكة البدلاء في مباراة بتروجت.

وقال إسماعيل يوسف، خلال حواره ببرنامج "الكورة مع فايق"، المذاع عبر فضائية "إم بي سي مصر2": "بحكم زملكاويتي تواصلت مع محمد عواد، لأني أعرفه كويس وهو شرح لي الموضوع واعترف بوجود جزء من الخطأ عليه".

وأضاف: "بالتالي أنا تواصلت مع جون إدوارد، أنا عملت كده عشان حبي للزمالك، وأنا شايف إن عواد، من الناس المهمين في الفريق، مش شرط يكون عندي حارس كويس أو اتنين لأ يبقوا تلاتة لأن احنا الفترة المقبلة محتاجين لكل لاعب".

وتابع: "اتكلمت مع معتمد جمال، ومفيش مشكلة معاه خالص، واعتقد في اليومين الجايين المشكلة هتتحل".