حملات تستهدف تدميري.. محمود حجازي يخرج عن صمته ويعلق على أزمته الأخيرة

علق الفنان محمود حجازي على أزماته الأخيرة، كاشفًا عن تعرضه لحملات الغرض منها تدميره، دون معرفة السبب في ذلك. 

محمود حجازي يعلق على أزمته 

وكتب محمود حجازي عبر حسابه الرسمي على إنستجرام : "احنا منعرفش الخير فين وليه بيحصل كل ده ؟ .. أكيد ربنا ليه حكمة والحقيقه هتبان هتبان .. وساعتها هبقي ضامن حقي في الدنيا زي ما ضامن حقي في الآخرة".
وواصل : "كفايا كدب ده انتوا حتي بتكذبوا في الشهادة العلمية .. وبتقولوا دكاترة فين طيب الدكتوراة  دي ؟ .. وهي كدبة بتحاولوا تداروا بيها عن نقصكم .. أنتم فاضيين ولا تعموا غير على أذيتي وكل من حولي".
وأكمل محمود حجازي : "مهما عملتوا مش هتنازل عن منع سفر ابني اللي أنا محروم منه ولحد دلوقتي أبويا وأمي لسه ماشفهوش خالص من ساعه ما أتولد .. وبقى عنده سنة ونص وبقاله في مصر 5 شهور .. ربنا موجود وأنا أقوى من أي حاجة علشان معايا الحق".

حملات تستهدف تدميره 

وتابع : "ومهما صرفتوا من حملات عشان تدمروني مش هتعرفوا .. ده تعب سنين ولو عايزين تتشهروا أصبروا لسه اللي جاي هيشهركوا أكتر .. رغم كنت ساكت عشان خاطر ابني بس دلوقتي خلاص لازم الدنيا كلها تعرف حقيقتكم زي ما ربنا عارفها .. إني فوضت أمري لله .. وبجد اللي حصل ده علمني كتير أوي .. وشكرًا لكل حد سال عليا أو قال كلمة خير في حقي .. ولكل حد بيتكلم عن الموضوع وكأنه عايش معانا .. وبيأكد اتهامات من غير دليل .. حسبنا الله ونعمة الوكيل لقاءنا قدام ربنا .. أنا واثق في ربنا والقضاء المصري وحقي هيرجع بالقانون".