مجدي عبد الغني يفتح النار على مسؤولي الأهلي بسببب إمام عاشور: "عقلية هواه"

فتح مجدي عبدالغني نجم الأهلي السابق، النار على مسؤولي القلعة الحمراء بسبب عقوبة إمام عاشور نجم فريق الكرة الأول بشأن أزمته الأخيرة.

وكان وليد صلاح الدين أعلن خلال الأسبوع الماضي توقيع عقوبات قوية ضد إمام عاشور، بعد تخلفه عن السفر مع بعثة الفريق إلى بعثة تنزانيا.

وقال مجدي عبدالغني خلال برنامج «يا مساء الأنوار» المذاع على شاشة قناة «إم بي سي مصر»: «الأهلي بيعاني بسبب غياب إمام عاشور، والمفروض لعيب مهم زي ده أعاقبه مالياً وما أوقفوش عن المباريات».


وأضاف: «مفيش حاجة في لائحة عقوبات فيفا اسمها يتدرب منفردًا، ده حقه يقاضي النادي لو استمر كدة».

وتابع: «احنا بينقصنا خبرات الاحتراف، اللي بيمسكوا الأندية بيتعاملوا بعقلية الهواة اللي كانت في أيامهم»، لافتًا إلى أنه ضد إيقاف إمام عاشور تماماً.

وواصل نجم الأهلي السابق: «البيان اللي طلع من إمام عاشور، النادي الأهلي هو اللي كاتبه، يعني الأهلي كاتب البيان والأهلي بيقرا البيان، ومكنش مفروض تهيج الناس عليه».

واختتم مجدي عبدالغني تصريحاته قائلًا: «كان ممكن تخلص الموضوع، لو حد يروحله البيت يطمن عليه لو فعلاً عيان ومكنش حصل الموضوع ده كله».