رمضان صبحي: «الأهلي بيتي وعمري ما أنسى فضله عليا»

وجه رمضان صبحي، لاعب نادي بيراميدز، رسالة شكر إلى مجلس إدارة الأهلي، بعد مساندته في قضية "التزوير".

وكتب رمضان صبحي عبر حسابه على "إنستجرام": شكرًا من قلبي.. شكرًا بعد ربنا لعيلتي وصحابي ولكل حد وقف جنبي في أزمتي الأخيرة سواء بكلمة أو بدعوة أو حتى بنية صافية.. الدعم ده فرق معايا جدا ومش هنساه طول عمري".

أضاف: "شكر كبير لملاك نادي بيراميدز مش بس على الدعم لكن على الثقة والموقف الإنساني الواضح من غير حسابات من أول لحظة".

كما وجه لاعب بيراميدز الشكر لإدارة الأهلي قائلا: "شكر خاص لمجلس إدارة النادي الأهلي برئاسة محمود الخطيب على موقفهم الإنساني من البداية وعلى دعمهم القانوني لحد ما الأزمة عدت على خير.. الأهلي بيتي وعمري مانسيت ولا هنسي فضله عليا".

وواصل: "وبعتذر لكل حد بعتلي أو كلمني وما قدرتش أرد عليه وبطمنكو إن رسايلكم ودعمكم وصلوا وكان ليهم أثر كبير عندي".

وأتم: "ربنا ما يكتب أزمة على حد ولو حصلت يبعتله ناس زيكم".