«الدهب ولّع».. ياسمين عز تطالب بتخفيف الطلبات عن العرسان

علّقت الإعلامية ياسمين عز على الارتفاعات التاريخية التي يشهدها سوق الذهب في مصر والعالم خلال الفترة الأخيرة، مؤكدة أن الأسواق تعيش حالة من الترقب والقلق مع الصعود غير المسبوق في الأسعار.

وقالت عز، خلال تقديمها برنامج «كلام الناس» على قناة «إم بي سي مصر»، مساء الخميس، إن الذهب يسجل قفزة تاريخية غير مسبوقة، في ظل غياب مؤشرات واضحة حول إمكانية تراجع الأسعار قريباً.

وأضافت أن أسعار الذهب تواصل الارتفاع بشكل مستمر، قائلة: «دايمًا الحاجة اللي بتغلى مش بترجع تاني، ومش عارفين الذهب ممكن ينزل ولا هيكمل صعوده، محدش عنده إجابة واضحة».

وأشارت إلى أن الإقبال على شراء الذهب أصبح ملحوظاً خلال الفترة الأخيرة، لافتة إلى مشاهد اصطفاف المواطنين في طوابير أمام محال الصاغة لشراء السبائك والجنيهات الذهبية، خوفاً من استمرار موجة الارتفاع.

وتابعت: «المتضرر الوحيد من موضوع الذهب هو الشاب المُقبل على الزواج أو الخطوبة، لأنه الملزم ومفروض عليه يجيب ذهب لمراته أو خطيبته. لازم نخفف الطلبات شوية على الشاب».

وأضافت بأسلوب ساخر: «مينفعش يقول عايز 2 طن دهب لشيماء، ده مش واقعي، وده مش تقليل من قيمة البنت، لكن رفق بظروف الراجل».

واختتمت حديثها قائلة: «بلاش فكرة إن الصعيد بيجيبوا بالكيلوات، لازم نلغي ده خلاص، مبقاش موجود دلوقتي. الكيلو بقى وزن الخضار واللحمة مش الدهب خالص.. ده مش هيقلل من قيمة البنت، لكن لو معملناش كده بنتك هتفضل قاعدة جنبك ومش هتتجوز. سهلوا على نفسكم وعلى الناس، لا تقللوا قوي ولا تبالغوا قوي».