البنك المركزي يعلن استرداد 116.8 مليون جنيه لضحايا الاحتيال المالي خلال 2025
مروة عبدالمنعم تكشف تفاصيل سرقة مالية غامضة من بطاقتها البنكية
أعلنت الفنانة مروة عبد المنعم، عبر صفحتها على فيسبوك، تعرضها لعملية سرقة مالية، بعد سحب مبلغ كبير من بطاقة المشتريات الخاصة بها، رغم أنها كانت تحتفظ بالبطاقة طوال الوقت.
سرقة حساب الفنانة مروة عبد المنعم
وقالت مروة عبد المنعم: «أنا فى مشكلة ومحتاجه أهل الخبرة يفيدونى، دلوقتى أتعرضت لعملية سرقة، اكتشفت إن فيه حد سحب مبلغ كبير من فيزا المشتريات بتاعتى، والغريب إن الفيزا معايا طول الوقت، واتفاجئت إن البنك اتصل بيا وسألنى إذا كنت عايزة أقسط المبلغ اللى اتسحب، لما قولتله إنى ما مسحبتش أى حاجة، أكدلى إن فيه مبلغ اتسحب من الفيزا، فورًا عملت شكوى ووقفت الكارت».
وأضافت: «دلوقتى مش عارفة أعمل إيه عشان أعرف عملية السرقة دى حصلت إزاى، وإزاى ممكن حاجة زى دى تحصل والكارت معايا ومافيش حتى OTP وصلنى على الموبايل».
وتابعت الفنانة: «البنك عايز منى أسدد المبلغ، وأنا عايزة أثبت إنى ما سحبتش أى مبلغ، حد ممكن يفهمنى إيه الإجراءات اللى ممكن أعملها».
وتستعد مروة عبدالمنعم حاليًا لمتابعة الإجراءات القانونية مع البنك لإثبات عدم مسؤوليتها عن المبلغ المسحوب، وسط تفاعل كبير من جمهورها على منصات التواصل الاجتماعي الذين أعربوا عن تضامنهم معها ونصحوها باللجوء إلى التحقيقات الرسمية.
