«بقالي سنتين بعترض».. أحمد سليمان يفتح النار على مجلس الزمالك

فتح أحمد سليمان عضو مجلس إدارة نادي الزمالك، على مجلس إدارة القلعة البيضاء، برئاسة حسين لبيب، مشيرًا إلى أنه يتعرض على قرارات المجلس منذ عامين.

وقال أحمد سليمان في تصريحات تليفزيونية عبر شاشة «إم بي سي مصر»: «أنا اعترضت كتير على قرارات داخل نادي الزمالك ولكن في الآخر الكلام ده جوه البيت، اعتذرت عن ملف الكرة رسميًا لـ مجلس الإدارة بقالي سنتين، من وقت رحيل جوميز واتفاجئت بـ إن جروس جيه الاستاد وتولى تدريب الفريق».

وأضاف: «سألت رئيس النادي حسين لبيب عن وضع جروس مع الفريق وقالي إن هيقعد معاه ويشوف، ومطلبنيش أقعد في الجلسة دي، وكان من ضمن شروط المدير الفني كريستيان جروس إن مفيش حد من مجلس الإدارة يتواجد مع الفريق بالمدرجات، والتزمنا بالاتفاق ده، ثم بعده لجنة ميدو».

وتابع: «كلفت بعدها بالتحدث مع أحمد الكاس وأيمن الرمادي لتولي تدريب الفريق، ثم تم الاتفاق مع الرمادي والحمدلله ربنا كرم وجبنا بطولة كأس مصر».

وواصل عضو مجلس الزمالك: «المرحلة اللي بعد كدة، تولى جون إدوارد ملف الكرة بالكامل من خلال توليه منصب المدير الرياضي للأبيض، وطلب من مجلس الإدارة ترك الملف بالكامل، ولكن تحفظي كان إننا مينفعش نعرف الأخبار من خلال موقع النادي».

وأكمل: «ياريت النادي تسامحني إني بتكلم دلوقتي ولكن الحالة اللي وصل ليها النادي صعبة، وأنا مضايق إني بقول كدة دلوقتي، واضطريت اتكلم مع أعضاء الجمعية العمومية».

وأردف: «آخر جلسة لمجلس الإدارة طلبت حاجات في ملف كرة القدم، وفؤجت إن أعضاء في المجلس بيطالبوا بيها، واتفقنا إن جون إدوارد هيقعد مع مجلس الإدارة، ولكن فؤجت إن القرار طلع بموافقة مجلس الادارة مع جون، والسؤال فين مجلس لإدارة!، لإن محصلش أي اتفاق».

وأكد أن بقالي أسبوع مدخلتش النادي، ولما روحت ملقتش حد في النادي الناس مضايقة ومش مبسوطة، حتى قولت أفيه من فيلم طباخ الريس (فين الناس).

وتابع: الصفقات اللي جات والناس بتشتكي منها أنا مجبتش 10% منها، والحمدلله معظم اللعيبة اللي انا كان ليا دور في قدومها للزمالك هي دلوقتي اللي بتتعرض للبيع والجمهور بيشيد بيها.

واختتم أحمد سليمان تصريحاته قائلًا: «أنا بقدم دوري وبحضر الجلسات ولكن القرارات لازم تكون أمام مجلس الإدارة، وبقالي سنتين بعترض وقولتلهم هتضطروني إني اطلع اتكلم في الإعلام عشان أنا بتهاجم».