السيسي من كنيسة ميلاد المسيح: "مفيش إنتم وإحنا.. كلنا واحد"

وجه الرئيس عبد الفتاح السيسي، التهنئة إلى قداسة البابا تواضروس الثاني بمناسبة الاحتفال بعيد الميلاد المجيد.

وأضاف الرئيس السيسي، خلال مشاركته فى تقديم التهنئة للأخوة الأقباط بعيد الميلاد من داخل كنيسة ميلاد المسيح بالعاصمة الجديدة: "أحمد ربنا إننا منذ عام 2015 وإحنا بنيجي نحتفل مع بعض بالعيد.. أهنئ قداسة البابا والكنيسة وأهنئ كل المواطنين أهلنا المسيحيين والمصريين وكل الناس اللي في العالم.. كل سنة وأنتم طيبين".

وقال الرئيس السيسي: "عيد سعيد علينا كلنا.. وربنا يحفظنا ويجعل دائما أيامنا أعياد وأفراح.. اللهم أمين.. كنت بقول أنه فى عام 2015 أول مرة اتشرف بالزيارة دي.. واحتفل وأشوف المحبة اللى بينا.. وفى الفترة من 2015 لحد النهاردة حصل حاجات كتير وأحداث كتيرة وأيام صعبة كتير.. لكن كل مرة بقول الكلام ده.. دايما شعب مصر مع بعض.. كلنا بنحب بعض وبنخاف على بعض ونحترم بعض.. وعلاقتنا كشعب مصر يجب أن تكون بلا أي تمييز.. وتفضل العلاقة قوية ونطورها.. وهو ده الرصيد اللي لازم نخلي بالنا منه.. مفش إنتم وإحنا.. فيه إحنا.. كلنا واحد".