«نفسي في مخرج يكتشفني».. حمو بيكا يكشف عن رغبته في دخول عالم التمثيل

كشف مطرب المهرجانات حمو بيكا عن رغبته في دخول عالم التمثيل،وذلك بعد الأزمة الأخيرة التي مر بها بسبب حيازة السلاح الأبيض، وسبقتها أزمة إيقاف تصريحه من نقابة المهن الموسيقية.
 

حمو بيكا يكشف رغبته في التمثيل 

وقال بيكا خلال لايف على فيسبوك: "الحمد لله أزمة وعدت .. ويارب ما يكتبها على أي حد خالص .. الحرية حلوة وياريت كل واحد ماشي في الغلط يرجع عنه .. وخليك ماشي صح .. علشان بلدنا حلوة .. ولازم كلنا نبقى حلوين".

وتابع حمو بيكا: "أنا نفسى أمثل .. بس مش شايف لا مخرج ولا منتج .. هما كلهم دلوقتى مشغولين فى مسلسلات رمضان .. ربنا يكرمنا بمنتج ولا مخرج ياخدني نعمل بطولة .. عشان أنا جبت أخري .. كمان فى ممثلين كبرت .. والمفروض يطلعوا ناس جديدة".

كما رد حمو بيكا على اتهامات أحد الأشخاص بأنه سبب في تدمير الأجيال الجديدة، قائلا: "مدمرتش جيل كامل .. ليه يعني ؟ .. اللبس ده أنت متعرفش تجيبه أصلا .. يا إما نفسك تجيبه بس معلش يا حول الله يارب .. إحنا كلنا ولاد ناس ومتربيين .. إحنا مش سرسجية".

وتطرق حمو بيكا كذلك إلى عدم تمكنه من القراءة والكتابة، مشيرًا إلى ندمه الشديد على هذا الأمر، حيث قال: "أنا بندم دلوقتي إني مبعرفش أقرأ وأكتب .. كل واحد معاه شهادة يروح يبوس إيد أمه وأبوه .. زي ما أنا ببوس إيد أمي وأبويا عشان طلعوني راجل .. ومش ببص لحاجة مش بتاعتي".