«لما تتكلم قول الحقيقة».. شوبير يكذب إكرامي

كذب الإعلامي أحمد شوبير، كرامي الشحات، حارس مرمى النادي الأهلي ومنتخب مصر السابق.

وكان إكرامي قال في تصريح سابق: «الشناوي مبيفردش إيده؟ سيبوكم من الكلام ده أنا كنت حارس سابق ومرنت الشناوي من قبل، والموضوع ده مش موجود، في التدريب كان بيفرد إيده على الآخر.. اللي مكنش بيفرد إيده فعلاً هو أحمد شوبير بعدما تعرض لإصابة في الترقوة وبعدها قرر الاعتزال لإنه مقدرش يكمل».

وقال شوبير عبر برنامجه الناظر المذاع على شاشة قناة النهار: «أنا عمري ما جالي كسر في الترقوة خالص نهائي، أنا جالي تمزق في كتفي الشمال، وده أقل من الإصابة اللي انت اتعرضتلها هو جاله خلع في الكتف».

وقال شوبير عبر برنامجه الناظر المذاع على شاشة قناة النهار: «أنا عمري ما جالي كسر في الترقوة خالص نهائي، أنا جالي تمزق في كتفي الشمال، وده أقل من الإصابة اللي انت اتعرضتلها هو جاله خلع في الكتف».

وأضاف: «أنا رجعت من الإصابة واتمرنت وكل حاجة، وكان في مرة جالي كابتن صالح سليم وقالي إنت كويس أهوه، وقالي إنت خاسس وبتفرد إيدك، فقولتله أنا من ساعة مرجعت وانا بتمرن كويس وبحترم وجهة نظر الجهاز الفني»

واختتم شوبير تصريحاته قائلًا: «كابتن إكرامي كل شوية بيقول شوبير لعب عشان إحنا اتصابنا.. أرجوك يا كابتن إكرامي أنا بحترمك فأرجوك بس لما نتكلم نقول الحقيقة، يمكن خانه التعبير والسنين طويلة وكدة».