«أزمة المية 500 جنيه».. عبد الواحد السيد يكذب نجم الزمالك السابق

كذب عبدالواحد السيد مدير الكرة السابق بنادي الزمالك،  محمد أشرف "روقا"، لاعب خط وسط نادي الزمالك السابق وحرس الحدود الحالي، بعد تصريحاته بشأن كواليس رحيل اللاعب عن القليلة البيضاء.

وكان روقا قال في تصريحات تليفزيونية سابقة: «أنا اتظلمت في نادي الزمالك، أنا جددت عقدي في نادي الزمالك مع أمير مرتضى منصور، واتفقنا على كل حاجة، وبعض كدة اتفاجئت ببند متفقتش عليه، وعبد الواحد السيد، قالي (مش عايزك تزعل لأنك ممشتش كورة إنت اتاخدت كبش فداء)».

وأضاف: «احنا كنا بنروح التمرين مفيش مية والله ما بنلاقى المية، فى المعسكر قبل المباراة كنا بنلم (أزايز) المية اللى مشربنهاش، عشان ناخدها المباراة معانا».

وفي هذا الصدد، رد عبدالواحد السيد عبر برنامج اللعيب على إم بي سي مصر على تصريحات روقا، وقال: «اللي حصل بالظبط إن جوميز المدير الفني للزمالك وقتها، إداني كشف بالأسماء اللي مش هتبقى موجودة الموسم المقبل، وبناءًا عليه كلمت روقا أول واحد لإنه من اللعيبة الكبيرة والمؤدبة في الفرقة وبلغته إنه مش موجود معانا بعد نهاية الموسم بحيث إنه يبقى عنده وقت يشوف نادي تاني».

وأضاف: «روقا عقده كان ينص على سنة إضافية في حال رغبة النادي في ذلك، وأي لعيب بيمشي من النادي بيبقى عن طريق وجهة النظر الفنية للمدير الفني لإنه لازم يمضي على قائمة الراحلين».

وتابع: «قصة المية كمان تم نقلها بصورة مش صحيحة، لإنها كلها كانت 500 جنيه وكان سوء تصرف من الإداري فهي مكنتش أزمة زي مقال روقا».