مصطفى يونس يتخذ قرارًا مفاجئًا بعد تنازل الأهلي عن القضايا ضده

اتخذ مصطفى يونس، نجم الأهلي السابق، قرارًا مفاجئًا بعد مجلس إدارة القلعة الحمراء برئاسة محمود الخطيب، بالتنازل عن كل القضايا المقدمة ضده، على خلفية تصريحاته الأخيرة ضد المجلس.

وكان محمد عثمان المستشار القانوني للنادي الأهلي أكد أن مجلس إدارة القلعة الحمراء طلب منه اتخاذ الاجراءات القانونية للتنازل عن البلاغات المقدمة ضد مصطفى يونس، والتى كان قد تم تقديمها بسبب تصريحاته المسيئة على مواقع التواصل الاجتماعي وفى القنوات الفضائية.

وفى هذا الصدد علق مصطفى يونس فى تصريحات عبر قناة «إم بى سى مصر»: «الاعتذار كان أقل حاجه ممكن أقدمها للنادي الأهلي لما تبينت الحقائق، رغم إن كان فيه ناس معترضة.. ولو أنا غلطت فى ده حبًا فى النادي الأهلي».

وأضاف: «أنا كنت سعيد جدًا بعدما تنازل الأهلي عن القضايا المرفوعة ضدي، وأنا بأشكر المستشار محمد عثمان والشؤون القانونية بالأهلى وكل المسؤولين، وكل الناس اللى سعت فى الصلح ده».

وشدد على: «مرة تانية وتالتة وعشرة بعتذر للنادي الأهلي وكلهم أصدقائي وأخواتي، وأنا من بعد هذا الموضوع امتنعت عن الإدلاء بأى تصريحات مع إن مصر كلها كانت بتكلمني علشان أطلع اتكلم».

وزاد: «بوجه كلامي للزملاء الأعزاء أنا مش هتكلم تاني غير هنا (مع مهيب عبدالهادي) وكلكم أصدقائي.. فى ناس قالتلي قدم تظلم على الـ3 أشهر ولكن أنا قولتلهم لا مش هقدم لإني أساسًا مش هتكلم».

وأتم: «أنا مش محتاج إني أقدم تظلم علشان يبقوا شهر ولا اتنين».