نجم الأهلي يوافق على الانتقال إلى سيراميكا كليوباترا.. علي ماهر يكشف

كشف علي ماهر المدير الفني لنادي سيراميكا كليوباترا، عن رغبته في استعادة لاعب فريقه السابق والأهلي الحالي أحمد رمضان "بيكهام" في الميركاتو الشتوي المقبل.

وكان "بيكهام"، انتقل لصفوف الأهلي في الميركاتو الصيفي الماضي قادمًا من فريق سيراميكا كليوباترا، لمدة موسم واحد على سبيل الإعارة.

وقال علي ماهر في تصريح تليفزيوني عبر برنامج الناظر المذاع على شاشة النهار: «الدوري المصري هيبدأ فعليًا في شهر يناير بعد بطولة أفريقيا تحديدًا، وسيراميكا يحتاج لاعبين في الميركاتو المقبل لتعويض الراحلين في أول الموسم واستكمال المنافسة على الدوري».

وأضاف: «الدوري نفسه طويل، والمنافسة هتشتد من بعد يناير لما كل الفرق ترجع بقوتها وكله هينافس على الصدارة لآخر نفس».

وتابع: «بالتأكيد أرغب في ضم بيكهام.. هو لعيب مميز، وأنا عارفه كويس ومربيه، ولكن هنستنى نشوف النادي الأهلي هيعمل معاه إيه الفترة اللي جاية، اللاعب أكيد مرحب بالعودة عشان أكيد عايز يرجع يلعب أساسي تاني».