زينة: مشوفتش رجالة في حياتي وبقيت أقرف منهم.. وكل أمنيتي الصحة والستر

تحدثت الفنانة زينة بصراحة عن تجاربها الشخصية ونظرتها للعلاقات خلال لقائها مع الإعلامية لميس الحديدي في برنامج الصورة على شاشة النهار، مؤكدة أن ما مرت به جعلها تفقد الثقة في الرجال بشكل كبير.

وقالت زينة: «أنا مش بتكسف.. وعارفة عيوبي ومميزاتي، ومتعايشة معاهم، أهم عيوبي إني سريعة الانفعال».

وبسؤال لميس الحديدي لها: “يعني مافيش وقت للراجل من سن 30 وإنتِ لوحدك؟”، لترد زينة قائلة: «مش عارفة.. يمكن اتعقدت، واعتقد إني اتعقدت فعلًا. مروحتش لدكتور نفسي بس ده اللي حاسة بيه. بصراحة مشوفتش رجالة في حياتي.. وأنا متعقدة من الرجالة وبقيت أقرف منهم، لكن طبعًا فيه رجالة بحترمهم زي أبويا وإخواتي وبعض العلاقات الناجحة».

وأوضحت زينة أنها في هذه المرحلة لا تتمنى سوى «الصحة والستر»، وأن يحمي الله أسرتها من الأشخاص المؤذيين، قائلة:«نفسي في الصحة والستر، وربنا يبعد عني الناس المؤذية.. عني وعن ولادي وإخواتي ومامتي وكل اللي بحبهم».

وعن علاقتها بأبنائها وأسرتها، شددت زينة على أنها تعيش دائمًا بين القلق عليهم والخوف على نفسها من أجلهم، مضيفة:«بخاف على نفسي عشان أولادي، وبخاف على أولادي عشان نفسي، وبفرح لما أشوفهم فرحانين وناجحين وطيبين مع الناس».