بلا خدمات.. كيف تحولت أكبر شركة محمول في مصر إلى بؤرة لشكاوى العملاء؟

لا تزال شكاوى المستخدمين من خدمات فودافون مصر تتصدر النقاشات على السوشيال ميديا، وسط انتقادات متزايدة لأداء أكبر شركة في محمول في مصر، وتراجع مستوى الخدمة في عدد من المحافظات.

تواجه شركة فودافون مصر، التي تخدم ملايين المشتركين في أكبر سوق اتصالات في المنطقة، موجة متصاعدة من شكاوى العملاء تركز بشكل رئيسي على تدهور جودة الخدمة وصعوبة الحصول على دعم فعال، وهذه الشكاوى تضع عملاق الاتصالات تحت ضغط كبير وتثير علامات استفهام حول قدرته على الحفاظ على معايير الجودة في ظل المنافسة الشرسة.

فودافون في صدارة أعداد الشكاوى

​كشفت تقارير صادرة عن الجهاز القومي لتنظيم الاتصالات (NTRA) مؤخراً عن مؤشرات مقلقة، وتشير هذه التقارير إلى أن شركة فودافون تتصدر شركات المحمول في عدد الشكاوى المصعدة ضدها، خاصة فيما يتعلق بخدمات الإنترنت الثابت والمحمول.

عملاء كتير اشتكوا من ضعف الإشارة داخل المدن، وتأخير التحويلات عبر فودافون كاش، وخصم رسوم دون توضيح، وقالوا إن خدمة العملاء اصبحت بطيئة ولا يوجد متابعة حقيقية للمشكلات.

تعليقات غاضبة من فودافون

المواقع المتخصصة مثل Trustpilot مليئة بتعليقات غاضبة عن تراجع السرعة، وانقطاع الإنترنت، وتراجع مستوى الدعم الفني الذي كان في السابق دايمًا نقطة قوة للشركة.

ومن بين الرسائل الغاضبة نجد إيمان جمعة، إحدى المتضررات عقلت قائلة:"شركة فودافون أسوأ خدمة في مصر.. اكون خط تبع مفوض
* اصحي يوم الاقي الشركة يقولي هيتم انقطاع الخدمة اليوم من غير تنبيه غير برساله علي نفس الرقم اللي بيجيلي منه العروض وسط عشرات الرسايل كل يوم".

وتابعت :" مرة تانية يقولي هيتم قطع الخدمة خلال يومين وطبعا محدش بيقرأ رسايل العروض وانا ما اخدتش بالي من الرسالة وسط كم كبير من العروض التافهة.. ما اكتشفتش رسالة التنبيه غير بعد ما قطع اتصال رجعت لرسائل الشركة لقيت الرسالة من يومين.. اتصلت بخدمة العملاء يقولولي لازم تروحي الفرع.. وأنا ساكنة بعيد عن أي فرع بـ20 كيلو متر وطبعا مرتبطة بمدارس وشغل وبيت". 
وأكملت:" ذهبت للفرع عملت جواب نقل ملكية ومعايا المفوض قالولي 48 ساعة ويرجع الخط، وعدى 4 أيام والخط مرجعش.. اكلم خدمة العملاء يقولولي لازم ترجعي للفرع تاني منقدرش نعمل حاجة من عندنا.. المفوض راح الشركة يقولوله أصل الطلب مفتوح علي السيستم لسه ما اتقفلش ولازم يقفل لوحده علشان الخط يرجع". 

وتساءلت قائلة: "ده كلام شركة محترمة بتقدر العملاء ولا هو اعلانات بملايين وخدمة زي الزفت.. انا عايزة اعرف اشتكيهم فين للاضرار اللي حصلتلي في شغلي وحياتي بسببهم
الحمد لله إن مكانش في طوارئ مثلا والتليفون يكون حياة او موت".

فيما علق أحمد إبراهيم أحد المتضررين من شركة فودافون مصر قائلا:" أنا عندي مشكلة مع شركة فودافون.. أنا كنت نظام Red وحولت منه لنظام أفراد عادي جدا ودفعت قيمة الفاتوره اللي عليا ومبلغ التأمين والمفروض اروح اخد مبلغ التأمين، لكن اروح علشان اخد مبلغ التأمين والكلام ده في شهر يونيو اللي فات يقولولي كلم قسم التحصيل، اكلمهم يقولولي اني مليش فلوس.. طب ازاي ؟!".

وتابع قائلا:" أنا قولت مش مشكلة وكبرت دماغي في مبلغ التأمين اللي هو قيمته 200 جنيه.. اكتشف انهارده وانا بدفع قيمة تجديد ال DSl ان أنا كل ده خلال 4 شهور بجدد الباقه لمدة 5 أيام ب 500 جنيه.. 4 شهور بدفع 500 ج علي 5 أيام لأنها بتتجدد علي نظام الفاتوره اللي أنا حولت منه أصلا وعليا فاتوره قيمتها 3000 جنيه 
وانا أصلا بدفع تمن التجديد كل شهر.. طب بجد إزاي ؟؟؟؟؟".

وأكمل أنه حائرا بين خدمة العملاء والذهاب للفرع دون حل المشكلة قائلا:" اروح الفرع يقولي كلم خدمة العملاء.. اكلم خدمة العملاء يقولي كلم خدمة عملاء red.. مش عارف اعمل ايه تاني بجد.. محتاج حد يقولي الحل.. أنا بدفع التجديد كل شهر لل dsl.. وباقة الموبايل فليكس عادي جدا.. اكتشف ان عليا فاتوره بسبب ان الموظف حول الموبايل بس ومحولش ال DSL ".