آيتن عامر تبكي على الهواء وتكشف سبب رفضها للاحتضان والمواساة

دخلت الفنانة آيتن عامر في نوبة بكاء خلال ظهورها في برنامج «صاحبة السعادة» مع الإعلامية إسعاد يونس، المذاع عبر قناة dmc مساء الأحد، حيث تحدثت بصدق عن مشاعرها وتأثير الضغوط النفسية عليها.

وقالت آيتن عامر إنها لا تحب أن يعانقها أحد أو يربت على كتفها، موضحة: «أنا دايمًا لما حد من صحابي البنات يجي يسلم عليا، لو حضني هعيط… مش بحب حد يسلم عليا أو يطبطب عليا، بحس إن ده بيكشف حالة ضغط جوه عندي، وده شيء بحاول أخفيه وأكتمه».

وأضافت: «ناس كتير تتمنى حد يطبطب عليها، لكن أنا مش عايزة كده… مش عايزة حد يقولي مالِك؟ الموضوع ده بيضايقني جدًا.. لو شايفين إني متضايقة، سبوني ساكتة ومتمسكة بنفسي».

وأكدت آيتن أن أي محاولة لمواساتها تكشف مشاعر الضعف التي تخفيها: «بحس إن أي لمسة للضعف اللي جوه بتكشف اللي بحاول أخفيه طول الوقت».

وتطرقت للحديث عن تربيتها لابنها، مشيرة إلى أنها تشجعه على التعبير عن مشاعره بصدق:«أنا وفاء أختي دايمًا تقول ليوسف ابني متعيطش لو حصل حاجة، وأنا أقول له: لا، عيط لو موجوع. عمر ما دموع الراجل كانت عيب».