"بيشخط في الملعب".. رضا عبد العال يفتح النار على نجم الأهلي

فتح رضا عبدالعال، نجم الكرة المصرية السابق، النار على أحمد مصطفى “زيزو” جناح الفريق الأول لكرة القدم  بالنادى الأهلى خلال مباراة الجيش الملكى أمس الجمعة فى دورى أبطال أفريقيا.

وانتهت مباراة الأهلى والجيش الملكى بالتعادل الإيجابى 1-1، ضمن مواجهات الجولة الثانية من مرحلة المجموعات بدورى أبطال أفريقيا 2025-2026.

وقال رضا عبدالعال فى تصريحاته عقب المباراة خلال مقطع فيديو بثه عبر قناته الشخصية على موقع الفيديوهات «يوتيوب»: «توروب عمل ماتش قوى أمام الجيش الملكى، لكن كان لازم يلعب بـ3 فى وسط الملعب ويريح زيزو يخليه جنبه كورقة قوية فى البدلاء».

وأضاف: «الأفضل إنه كان لعب بـ شريف وبن شرقى وتريزيجيه، وينزل أى حد فى وسط الملعب جنب ديانج ومروان عطية، سواء إمام عاشور أو محمد على بن رمضان».

وتابع: «زيزو عمال يشخط فى الملعب، بيجرى وخلاص لكن ملوش أى بصمة إيجابية على المرمى، وكان فى كورة فى الـ6 ياردة لازم تيجى جون».

واختتم رضا عبدالعال تصريحاته قائلًا: «الأهلى جايب زيزو بالرقم ده عشان يخلص ماتشات، زى ده مثلًا أو ماتش زى الزمالك أو بيراميدز، ولكن مردوده قدام الجيش الملكى كان سيئا ومعملش غير كروسات كلها مقطوعة سواء الحارس بيمسكها أو المدافعين بتطلعها عكس بن شرقى اللى عمل كل حاجة فى الكورة».