«سبوني أخد رحلتي مع ربنا».. أسما شريف منير تهاجم منتقدي نطقها لكلمة «قرآن»

انتقدت الإعلامية أسما شريف منير متابعيها عبر موقع التواصل الاجتماعي "إنستجرام"، بعدما هاجمها عدد منهم بسبب نطقها لكلمة «قرآن» بشكل اعتبروه خاطئًا.

أسما شريف منير ترد على منتقديها

وعلقت أسما على الفيديو الذي أثار الجدل قائلة: "يعني بصوا، خلينا نقولها ببساطة، نفس الناس اللي بتقول (ما تحكمش عليّ) و(خليك متفتح)، هم نفسهم ساعات بيتريقوا على حد بس لأنه نطق (قرآن) صح أو حاول يكون ملتزم شوية. طب ما هو من حق كل واحد يعيش حياته زي ما هو شايف، ومن حق اللي بيحاول يكون قريب من ربنا إنه ما يتحطش في موقف سخرية".

وأضافت: "يعني لو بنقول (عيش وسيب غيرك يعيش)، نطبّقها على كل حاجة. ماينفعش تبقى شايف إن تصحيح كلمة إنجليزية غلط حاجة مهمة، وبعدين تضحك على حد لأنه قال كلمة دينية صح؛ في الآخر كلنا بنتعلم من بعض، والاحترام هو الأساس، فخلينا نكون لطاف مع بعض ونسيب كل حد ياخد رحلته مع ربنا من غير ما نحسّسه إنه غريب، لأن الدين في النهاية معاملة وكلمة طيبة، مش تريقة ولا حكم على حد".

أسما شريف منير تعلن ارتداء الحجاب

وكانت أسما شريف منير قد أعلنت في وقت سابق عبر حسابها على "إنستجرام" ارتداء الحجاب، ونشرت صورًا لها معلقة: "الحمد لله، ماكنش عندي غير طرحة واحدة وطقم واحد بس يليق بالخطوة دي، بس كنت حاسة من جوايا إن دي الخطوة الصح".

وتابعت: "الحجاب مش مجرد لبس، ده قرار من القلب، عهد بيني وبين ربنا، وراحة ما تتوصفش، ادعولي بالثبات ومحتاجة أماكن فيها لبس حلو يساعدني على الخطوة دي".

كما قامت أسما بحذف جميع صورها القديمة بدون حجاب، واحتفظت بعدد قليل من الصور من بينها صور لابنتها وبعض صورها بالحجاب.