فارس حميدة يحرج حمو بيكا: يعني ممسحتش أغاني أحمد عامر عشان حرام
وجه المطرب المعتزل فارس حميدة رسالة لـ مطرب المهرجانات حمو بيكا بعد حديثه عن سبب حذف أغاني الراحل أحمد عامر، مطالبًا بيكا أيضًا بحذف أغاني علي قدورة.
وكتب فارس حميدة عبر حسابه الرسمي بـ فيس بوك قائلًا: سمعت فيديو حمو بيكا وهو بيقول أنا مامسحتش المهرجانات اللي عندي أنا والمرحوم أحمد عامر علشان حرام، أنا مسحتها علشان خلاص دا راجل اتوفى وملهاش لازمة، وبيقول أنا ماعتزلتش ومش هعتزل، إحنا مش بنعمل حاجة غلط ولا بنعمل حاجة حرام.
وأردف حديثه قائلًا: يعني مامسحتهاش علشان حرام، يعني كنت بتاخد اللقطة يعني ولا إيه؟ ما يا جماعة أنا عاوز أقولكم إن أصلا المهرجان ولا المهرجانين اللي كانوا عند حمو بيكا حجات مش جايبة مشاهدات، يعني ولا عاملة تريندات لو كانت مهرجانات من اللي جايبة ملايين المشاهدات عندك كنت هتمسحها بردو!!
المطرب المعتزل فارس حميدة يوجه رسالة لـ حمو بيكا بعد حديثه عن سبب حذف أغاني الراحل أحمد عامر: يعني مامسحتهاش عشان حرام وكنت بتاخد اللقطة؟
كما طالبه بحذف أعمال المعتزل علي قدورة: طب ما تمسح المهرجانات اللي فيها على قدورة ما الراجل تاب وتبرأ منها، وأظن ملهاش لازمة وجوده في المهرجانات برضو، ثم إن هو إيه اللي مش حرام ده لو أنت هتتكلم مثلًا زي اللي بيتكلموا في خلاف تحريم الموسيقى علشان يرضوا هواهم، فا أنتم كل اللي بتقولوه حرام تحريضاتكم وإيحاءتكم وكل حاجة بتعملوها حرام في حرام.
واختتم حديثه: مش المصيبة إنك ترتكب ذنب أو تعصي الله، المصيبة إنك تستحل ده وإنك ترضي هواك إن ده مش غلط، فتكمل في المعصية وأنت مطمن، بل تطلع تضل الناس كمان أنت إعمل اللي أنت عايزه، لكن ما تضلش الناس؛ لأن اللي عندك ومتابعينك أكترهم ممكن يصدق كلامك، ويصدق إن فعلًا أنتم مبتعملوش حاجة غلط.
