رئيس مجلس الإدارة
رضا سالم
رئيس التحرير
نصر نعيم

إسرائيل خايفة من خسارة ممر الهند وأوروبا .. ومصر والسعودية في قلب المنافسة!

وزير الدفاع الإسرائيلي
وزير الدفاع الإسرائيلي

إسرائيل كانت بتحلم تبقى محطة رئيسية في واحد من أهم ممرات التجارة في العالم .. لكن يبدو إن فيه مسارات تانية بتتجهز، وممكن تسحب البساط من تحت رجليها!

صحيفة «ذا ماركر» الاقتصادية الإسرائيلية نشرت تقرير بيحذر من إن مصر والسعودية ودول تانية في المنطقة بيطوروا طرق تجارية بديلة، ممكن تتجاوز إسرائيل تماما.

والفكرة ببساطة إن البضائع تتحرك من السعودية ناحية البحر الأحمر، وبعدها توصل للسواحل المصرية، وتكمل رحلتها بالقطارات لحد موانئ البحر المتوسط، ومن هناك للأسواق الأوروبية.

وده معناه إن مصر والسعودية ممكن يبقى عندهم مسار لوجستي منافس للمسار الإسرائيلي ضمن مشروع ممر الهند والشرق الأوسط وأوروبا.

واللي مقلق إسرائيل، حسب التقرير، إن شبكة السكك الحديدية عندها لسه مش مرتبطة بالأردن، وفيه عقبات سياسية وبنية تحتية بتعطل المشروع.

كمان الصراعات في الأرض العربية والتوترات الإقليمية زودت صعوبة تنفيذ الممر بالشكل اللي كانت بتطمح له دولة الكيان.

يعني المنافسة مش بس على مين عنده ميناء أو طريق أسرع .. دي كمان على مين هيبقى البوابة الرئيسية للتجارة بين آسيا وأوروبا.

فهل تنجح مصر والسعودية في فرض مسار تجاري جديد يعيد رسم خريطة النقل في المنطقة؟

تم نسخ الرابط