هتاخد بيت وتشتغل بـ 5 آلاف جنيه.. فرصة أخيرة في الوادي الجديد

لو بتدور على فرصة سكن وشغل مع بعض فرصة الـ 48 ساعة الأخيرة خلاص بتخلص.. محافظة الوادي الجديد أعلنت عن منازل ريفية في قرية دوش التابعة لمركز باريس بمقدم حجز 5 آلاف جنيه بس

البيت مساحته 110 متر ومتصمم على الطراز الواحاتي بالقباب والألوان الفاتحة علشان يظبط درجات الحرارة وفي كل بيت حظيرة مواشي وأرض زراعية بتوصل لفدانين علشان تشجع الشباب وتساعدهم يستقروا

التقديم شغال في المركز التكنولوجي بمركز باريس بشرط سنك ما يقلش عن 21 سنة وتكون ما استفدتش قبل كده من مشروعات الإسكان وتجهز صورتين البطاقة والفيش والتشبيه علشان تخلص الإجراءات على طول