النهار هيختفي في عز الظهر.. 6 دقايق استثنائية مستنية مصر ودول عربية تانية

مصر ومعاها دول عربية تانية قدام حدث استثنائي يوم 2 أغسطس 2027، وهيكون من أبرز الظواهر الفلكية في القرن الحالي.

القمر هيمر بين الأرض والشمس، وهيحجب قرصها بالكامل عن مناطق محددة على مسار ظله، بس في مناطق تانية هيكون فيها كسوف جزئي.

والمفاجأة إن مصر هتكون من أهم نقاط الرصد، خصوصا الأقصر، اللي متوقع تشهد ظلام كلي لمدة تصل إلى 6 دقائق و22 ثانية، في واحدة من أطول فترات الكسوف الكلي خلال القرن الحالي.

والظل هيعبر كمان المغرب والجزائر وتونس وليبيا، ثم مصر والسعودية واليمن والصومال والسودان، قبل ما يكمل رحلته.

لكن مش كل المدن هتشوف الظلام الكامل؛ الرؤية الكلية هتكون داخل مسار محدد فقط.

بس خدوا بالكم علشان نشوف  الشمس في الوقت ده محتاجين نظارات كسوف معتمدة، حتى وقت الكسوف الجزئي برضو.