أديب عن الأهلي.. "يستحق الدوري وأنا مهاجر كندا خلاص"

علق الإعلامي عمرو أديب، على اقتراب النادي الاهلي من تحقيق بطولة الدوري العام،:" النادي الأهلي أخد الدوري خلاص انا مسافر كندا".

وقال أديب، خلال برنامجه "الحكاية" على قناة MBC مصر،  الفريق الأحمر حسم البطولة مبكرًا، ولا جدوى من الحديث عن خصم نقاط أو انتظار تعثره.

الأهلي أخد الدوري

وتابع: "أخطأت لما تخيلت إن الأهلي غير جدير بالدوري المصري.. الأهلي خد الدوري خلاص من غير ما نشغل بالنا بموضوع خصم الـ 3 نقاط".مطاعم مصرية

وأكد أن صدارة الأهلي أصبحت عادة لا تتغير: "الأهلي لما بيعتلي صدارة الدوري مش بينزل عنها بأي حال، وهيكمل كده ويفضل ياخد البطولات، الأهلي يتمتع بثبات فني وإداري يجعله يستحق اللقب، مضيفًا: "الأهلي مش بيقع.. إحنا بس وبيراميدز اللي بيقعوا، لما ميبقاش عندك لاعيبة ولا إدارة، يبقى الأهلي هو الجدير بالبطولة. مستنيين الأهلي يتعادل بدل ما نكسب أو نجيب مدرب ولاعيبة".

هجوم على الزمالك

وهاجم أديب أداء لاعبي الزمالك،: "عندنا في الزمالك 11 لاعب الأهلي مستعد يدفع فيهم ملايين، لكن اللاعيبة دي مفيش عندهم استعداد أو طموح إنهم يلعبوا للزمالك".

واستكمل: "قدرنا نشجع فريق مركزه التاني أو التالت.. إحنا بنلعب سلبي والأهلي ياخد الدوري.. البنك الأهلي أجدع بنك فيكي يا مصر.. حسبي الله ونعم الوكيل.. ده أنا مركب دعامة، حرام عليكم".